DAKONG KALIPAY ang gibati karon sa 641 ka pamilya sa Segundo Distrito nga gikan sa mga lungsod sa Jasaan, Villanueva ug Tagoloan. Kini human nahatag na kanila ang ilang suholan sa TUPAD atol sa gipahigayon nga Payout, Hulyo 17, 2024 sa Tagoloan Dome. Mukabat sa dul-an Php2.8 Milyones ang kinatibuk-ang kantidad nga natunol diin matag usa kanila nakadawat sa tag P4,280.00.
Kini nga pondo nakuha ubos sa pagpaningkamot ni Cong. Bambi Emano uban ang buhatan sa DOLE pinaagi ni Regional Director Atty. Erwin Aquino, aron makahatag kinitaan sa katawhan pinaagi sa pagpahigayon sa 10-day work with pay sa mga benepisyaryo.
Hangyo usab ni Host Mayor Nadya Emano-Elipe, Cong. Bambi, BM Dexter Yasay nga maoy mirepresentar kang Gov. Peter Unabia ug sa ubang opisyales nga magamit unta sa mga batakang panginahanglanon ang nasangpit nga kantidad aron mapahimuslan kini sa ilang pamilya.