Dakong kalipay ang gibati karon sa katawhan sa Tubajon, Laguindingan hilabi sa Purok 1-8 nga muabot sa kapin 200 ka mga households ang nanimuyo niini. Kini human nahatagan og katumanan ni Cong. Bambi Emano ang gihandum nga proyektong panubignga dugay na nila nga gipaabot.
Ang maong proyekto usa ka Solar Water System nga nagdala sa latest nga teknolohiya sa natad sa panubig diin ang enerhiya nga makuha gikan sa kainit sa adlaw maoy magsilbing pwersa aron maka-andar ang makina nga maoy mosuyop sa tubig gikan sa source niini. Mukabat kini sa Php 10Milyones nga ubos sa pagpaningkamot sa atong kugihan ug maabtikon nga kongresista aron makahatag sa mga priority projects sa kabarangayan sakop sa Distrito Dos.
Kini uban gihapon sa pagsuporta sa Kapitolyo Probinsyal pinaagi kang BM Dexter Yasay nga maoy mi-representar kang Gov. Peter Unabis, LGU Laguindingan, Barangay Tubajon sa pagpangulo ni Brgy. Chairman Roger Lareba, Sr. Uban sa iyang konseho ug sa DPWH Misamis Oriental 2nd DEO.