Dugang kalambuan ang natagamtam sa lungsod sa Laguindingan ug Gitagum ang natagamtaman sa mga katawhan niini, tungod sa pagsemento ug pag konektar sa ilang dalan hilabi na sa mga lumolopyo sa Barangay Lapad, Laguindingan padulong sa Pangayawan,Gitagum.
Kini human ang pagturnover sa kantidad Php70 Milyones alang sa nasemento nga dalan nga nagkonektar sa maong mga lungsod. Ug dugang Php20 Milyones nga gi-Groundbreaking aron mapadayon ang maong proyekto. Gitambungan kini sa mga opisyales sa lungsod ug barangay, DPWH, uban sa pagsuporta sa Kapitolyo Probinsyal pinaage kang BM Dexter Yasay nga maoy mirepresentar kang Gov. Peter Unabia.
Kini nga mga pondo nakuha ni Cong. Bambi Emano gikan sa iyang mga sood nga higala nga sila si Sen. Cynthia Villar, Sen. JV Ejercito ug Sen. Sonny Angara. Tungod sa walay puas nga pagpangita og pamaagi sa atong kongresista nga makakuha og dugang pondo alang sa mga priority projects sa kabarangayan ug kalungsoran sa segundo distrito.
Dako usab ang pagpasalamat sa katawhan sa maong mga dapit ngadto sa mga senador nga andam kanunay mutabang sa kakulangon sa mga lungsod pinaagi sa inisyatibo ni Cong. Bambi. 
